ജുനോ: വടക്കേ അമേരിക്കയിലെ ഏറ്റവും ഉയർന്ന കൊടുമുടിയായ അലാസ്കയിലെ മക്കൻലി പർവതത്തിലുണ്ടായ അപകടത്തിൽ മൂന്ന് പർവതാരോഹകർ മരിച്ചു.
അപകടകരമായ ഒരു ചുരത്തിനു സമീപം വീണാണ് ഇവർ മരിച്ചതെന്ന് ലാത്വിയൻ മൗണ്ടനിയറിംഗ് ഗ്രൂപ്പ് അറിയിച്ചു.
സംഘത്തിലുണ്ടായിരുന്ന നാലാമത്തെ ആളിനെ രക്ഷിക്കാനായി. അപകടത്തിൽപ്പെട്ടവരെല്ലാം ലാത്വിയയിൽനിന്നുള്ള പർവതാരോഹകരാണെന്ന് ഗ്രൂപ്പ് അറിയിച്ചു.
ഏകദേശം 20,310 അടി ഉയരമുള്ളതാണ് മക്കിൻലി പർവതം. ഇതിൽ 17200 അടി ഉയരത്തിൽനിന്നാണ് രക്ഷപ്പെട്ട പർവതാരോഹകനെ ഡെനാലി നാഷണൽ പാർക്ക് അധികൃതർ താഴെയെത്തിച്ചത്. പ്രതികൂല കാലാവസ്ഥയും ദുർഘടമായ ഭൂപ്രകൃതിയുമാണു രക്ഷാപ്രവർത്തനം ദുഷ്കരമാക്കിയത്.
Deepika
E-paper LOGIN
LOGIN
